గౌడవెల్లి గ్రామానికి చెందిన యువకుడు సోమేష్, క్రికెట్ బెట్టింగ్‌లో డబ్బులు పోగొట్టుకుని అప్పుల బారిన పడ్డాడు. దీనితో ఒత్తిడికి గురై ఆత్మహత్య చేసుకున్న విషయం తెలిసింది. ఈ విషాద ఘటనపై ఆర్టీసీ ఎండీ సజ్జనార్ స్పందించారు. ఆన్‌లైన్ బెట్టింగ్ వల్ల యువతలో ఆత్మహత్యలు పెరుగుతున్నాయని, ఏ సమస్య వచ్చినా దానికి ఆత్మహత్యే పరిష్కారం కాదని వారికి స్పష్టంగా సందేశం ఇచ్చారు. బెట్టింగ్ వల్ల కలిగే ఆర్థిక, మానసిక నష్టాల గురించి అవగాహన కల్పించేందుకు సజ్జనార్ నిరంతరం కృషి చేస్తున్నారు.

సజ్జనార్ తన సోషల్ మీడియా పోస్ట్‌లో, “క్షణికావేశంలో నిర్ణయాలు తీసుకోకండి. మీరు చనిపోతే మీ కుటుంబం ఎంత బాధపడుతుందో ఆలోచించండి. సమస్యల నుండి పారిపోవడానికి బదులు వాటిని ఎదుర్కోవాలి. జీవితంలో కష్టాలు వస్తాయి, కానీ అవి శాశ్వతంగా ఉండవు. బలవంతంగా మరణించడం కంటే బ్రతికి సాధించడమే గొప్పదనం” అని యువతను హెచ్చరించారు. ప్రతి సమస్యకు పరిష్కారం ఉంటుందని, దాన్ని కలిసి ఎదుర్కోవాలని ఆయన పిలుపునిచ్చారు.