అమెరికాతో జరగనున్న తుది వాణిజ్య ఒప్పందంలో భారత వస్త్ర రంగానికి బంగ్లాదేశ్ తరహాలోనే సున్నా శాతం టారిఫ్ సౌకర్యం లభించనుందని కేంద్ర మంత్రి పీయూష్ గోయల్ వెల్లడించారు. అమెరికా నుంచి దిగుమతి చేసుకున్న ముడి సరుకుతో తయారయ్యే దుస్తులపై ఎటువంటి పన్నులు లేకుండా ఎగుమతి చేసే అవకాశం ఉందని ఆయన పేర్కొన్నారు. దీనివల్ల అంతర్జాతీయ మార్కెట్లో భారతీయ ఉత్పత్తులకు భారీ డిమాండ్ పెరగనుంది.

విపక్షాల విమర్శలను తోసిపుచ్చిన మంత్రి, దేశ ప్రయోజనాలకు విఘాతం కలగకుండా ప్రభుత్వం జాగ్రత్తలు తీసుకుంటోందని స్పష్టం చేశారు. భారతదేశం నుంచి ఎగుమతయ్యే వస్త్రాలలో 30 శాతం వాటా అమెరికాదే కావడంతో, ఈ రాయితీ భారత ఎగుమతిదారులకు మరియు టెక్స్‌టైల్ రంగానికి ఒక గొప్ప వరంగా మారబోతోంది.