న్యూస్ డెస్క్ : ప్రస్తుత కాలంలో అతిగా ఆలోచించడం (ఓవర్ థింకింగ్) అనేది సామాన్యుల జీవితాలను అస్తవ్యస్తం చేస్తోంది. దీనివల్ల మన శక్తి వృథా అవడమే తప్ప పనులు పూర్తికావు. ఈ సమస్య నుండి బయటపడటానికి 33 ఏళ్ల అనుభవం ఉన్న న్యూరోసర్జన్ డాక్టర్ ప్రశాంత్ కాటకోల్ ఒక సులువైన మార్గాన్ని సూచించారు. మీరు అతిగా ఆలోచిస్తున్నారని అనిపించిన వెంటనే, ఒక్కసారి నిలబడి దీర్ఘంగా శ్వాస వదులుతూ కనుగుడ్లను అటు ఇటు తిప్పండి. ఇది మెదడులోని అమిగ్డాలాను శాంతపరిచి మీ ఒత్తిడిని వెంటనే తగ్గిస్తుంది.

రెండో దశలో మెదడును ఏదైనా చిన్న పనిలో నిమగ్నం చేయాలని ఆయన సూచించారు. బట్టలు మడతపెట్టడం లేదా గిన్నెలు కడగడం వంటి చిన్న పనులు చేయడం వల్ల మెదడు ఆలోచనల సుడిగుండం నుండి బయటపడుతుంది. ఇలా చేయడం వల్ల సామాన్యులు తమ మానసిక ఆందోళనలను తగ్గించుకుని, రోజువారీ పనులపై శ్రద్ధ పెట్టవచ్చు. వాస్తవానికి దూరంగా ఆలోచనల్లో బ్రతకడం కంటే, ఇలాంటి చిన్న చిన్న పద్ధతులతో మనసును అదుపులో ఉంచుకోవడం ఆరోగ్యానికి ఎంతో మేలు చేస్తుంది.