మహారాష్ట్ర అటవీ శాఖ మంత్రి గణేష్ నాయక్ ఇచ్చిన విచిత్రమైన సలహాను ఉపముఖ్యమంత్రి అజిత్ పవార్ ఎగతాళి చేశారు. చిరుతపులులు వేట కోసం మానవ నివాసాల్లోకి రాకుండా ఉండేందుకు, అడవుల్లో పెద్ద సంఖ్యలో మేకలను వదలాలని మంత్రి సూచించారు. ఈ ప్రతిపాదనను ‘హాస్యాస్పదం’ అని వర్ణించిన అజిత్ పవార్, ‘అప్పుడు చిరుతలు మాత్రమే కాక, గ్రామ ప్రజలు కూడా ఈ వేటను ఆనందిస్తారు’ అని విమర్శించారు.

చిరుత దాడుల్లో ప్రజలు చనిపోతే ప్రభుత్వం భారీ నష్టపరిహారం చెల్లిస్తుంది, కాబట్టి ఆ నష్టపరిహార సొమ్ముతో మేకలను కొని అడవిలో వదలాలని నాయక్ వాదించారు. అయితే, ఈ సమస్యకు శాశ్వత పరిష్కారం అవసరమని ఉపముఖ్యమంత్రి నొక్కి చెప్పారు. వన్యప్రాణుల రెస్క్యూ సెంటర్ల సామర్థ్యాన్ని పెంచడం, కొత్త కేంద్రాలను ఏర్పాటు చేయడంపై ప్రభుత్వం కృషి చేస్తోందని ఆయన వెల్లడించారు.