உங்கள் குறட்டை ஒலி ஆபத்தின் எச்சரிக்கையா? இந்த பொதுவான அறிகுறி, மூளையில் ஆக்ஸிஜன் குறைவதைக் குறிக்கலாம் என்றும், இது அடைப்பு ஏற்படுத்தும் தூக்க மூச்சுத்திணறல் (Obstructive Sleep Apnea) என்பதன் ஆரம்ப அறிகுறியாக இருக்கலாம் என்றும் மருத்துவர்கள் எச்சரிக்கின்றனர். மூச்சுக்குழாய் படிப்படியாக சுருங்குவதால், காற்றுப் பாதையில் தடை ஏற்பட்டு இச்சிக்கல் அதிகரிக்கிறது. ஒரு கட்டத்தில், மூச்சுக்குழாய் முற்றிலும் அடைக்கப்பட்டு, ஆக்ஸிஜன் அளவு அபாயகரமாகக் குறையும்போது, நோயாளி தூக்கத்தில் அதிகப் போராட்டத்தை எதிர்கொள்கிறார். இது ஸ்லீப் அப்னியா ஹைபோக்ஸியா (Sleep Apnea Hypoxia) என்று அழைக்கப்படுகிறது.

காலையில் எழுந்தவுடன் தலைவலி, நாள் முழுவதும் சோர்வு, மயக்கம், வேலையில் ஆர்வம் குறைவு மற்றும் குமட்டல் போன்ற அறிகுறிகள் ஆக்ஸிஜன் அளவு குறைவதின் உச்சக்கட்டத்தைக் குறிக்கின்றன. இந்த நிலை நீடித்தால், மாரடைப்பு, உயர் இரத்த அழுத்தம், இதய செயலிழப்பு மற்றும் பக்கவாதம் போன்ற கடுமையான உடல்நல அபாயங்கள் ஏற்படலாம். மூளையின் ஆக்ஸிஜன் அளவு அபாயகரமான அளவிற்கு குறைந்தால், உடனடி மருத்துவ சிகிச்சை தேவை என்று மருத்துவ நிபுணர்கள் வலியுறுத்துகின்றனர்.