முருங்கை என்பது ஒரே ஒரு மரமாக இருந்தாலும் பல்வேறு மருத்துவக் குணங்களை கொண்டுள்ளது. இந்த மரத்தின் ஒவ்வொரு பகுதியும் மனித உடலுக்கு பலனளிக்கக் கூடியது. குறிப்பாக, முருங்கைக் காய், இலை, பட்டை, விதை மற்றும் பூ ஆகியவை உடலுக்கு ஊட்டச்சத்துக்களை வழங்குகின்றன.

முருங்கைக் காயில் நிறைந்திருக்கும் சத்துக்கள் உடலுக்கு வலிமை தருவதுடன், நோய் எதிர்ப்புசக்தியை அதிகரிக்கவும் உதவுகின்றன. முருங்கை இலைகளால் செய்யப்பட்ட மிளகு ரசம் கை, கால், மற்றும் மூட்டு வலிகளைத் தணிக்கும் சக்தி கொண்டது. முருங்கை பட்டையில் அதிக அளவில் உலோகச் சத்துக்கள் உள்ளதால் நரம்பு தொடர்பான கோளாறுகளை சரிசெய்யக்கூடிய தன்மை கொண்டது.

முருங்கை விதைகள் மூளையின் செயல்திறனை அதிகரிக்க உதவுகின்றன. மேலும், முருங்கை பூ ரத்தத்தை சுத்தமாக்கி, எலும்புகளின் வலிமையை மேம்படுத்துகிறது. உடல்நலம் பராமரிப்பில் முருங்கை ஒரு அரிய இயற்கை மருந்தாக விளங்குகிறது.