ஆக்ஸ்போர்டு பல்கலைக்கழகத்தின் சமீபத்திய ஆய்வில் ஏஐ சாட்போட்கள் மூலம் மருத்துவம் பார்ப்பதில் உள்ள மிகப்பெரிய ஆபத்துகள் குறித்து எச்சரிக்கப்பட்டுள்ளது. செயற்கை நுண்ணறிவு சுமார் 50 சதவீத நேரங்களில் தவறான மருத்துவத் தகவல்களை வழங்குவதாக இந்த ஆய்வு கூறுகிறது. நோயாளிகள் தங்கள் உடல்நலப் பிரச்சினைகளை ஏஐ செயலிகளிடம் சரியாக விவரிக்க முடியாததால், அவை தவறான விளக்கங்களை அளித்து மருந்துகளை பரிந்துரைக்கின்றன. ஒரு அனுபவம் வாய்ந்த மருத்துவரால் மட்டுமே நோயைக் கண்டறிய முடியும் என்று ஆராய்ச்சியாளர் ஆண்ட்ரூ பீன் தெரிவித்துள்ளார்.

இளைஞர்களிடையே அதிகரித்து வரும் இந்த பழக்கத்தை நிபுணர்கள் இடியட் சிண்ட்ரோம் என்று அழைக்கிறார்கள். இணையத்தில் உள்ள பழைய அல்லது தவறான தகவல்களைக் கொண்டு சுய மருத்துவம் செய்துகொள்வது உயிருக்கு ஆபத்தை விளைவிக்கும் என்று ஆராய்ச்சியாளர்கள் எச்சரிக்கின்றனர். சில நேரங்களில் சாதாரண பாதிப்புகளை ஏஐ மிகக் கடுமையானதாகக் காட்டுகிறது, அதே சமயம் தீவிரமான நோய்களை எளிதாகக் கருதுகிறது. எனவே முறையான சிகிச்சை பெற பதிவு செய்யப்பட்ட மருத்துவர்களை அணுகுமாறு ஆக்ஸ்போர்டு பல்கலைக்கழகம் வலியுறுத்தியுள்ளது.