உத்தரபிரதேச மாநிலம் ராய்பரேலியில் மூன்று ஆண்டுகால காதலைத் தொடர்ந்து ரேஷம் பானோ மற்றும் அபிஷேக் சோன்கர் ஜோடி மதத் தடைகளைத் தகர்த்து திருமணம் செய்து கொண்டனர். அமேதியைச் சேர்ந்த ரேஷம் பானோ, ராய்பரேலியைச் சேர்ந்த அபிஷேக்கின் காதலை ஏற்று கோவில் ஒன்றில் இந்து முறைப்படி சடங்குகள் செய்து ஏழு அடி எடுத்து வைத்து மணந்து கொண்டார். இந்தத் திருமணம் தற்போது அந்தப் பகுதியில் பெரும் பரபரப்பையும் விவாதத்தையும் ஏற்படுத்தியுள்ளது.

தனது விருப்பப்படியே இந்து மதத்தை ஏற்று அபிஷேக்கை மணந்ததாக ரேஷம் பானோ தெரிவித்துள்ளார். எவ்வித கட்டாயமுமின்றி, காதலுக்காகவும் நம்பிக்கையுக்காகவும் மட்டுமே இந்த முடிவை எடுத்ததாக அவர் உறுதியுடன் கூறியுள்ளார். சமூகக் கட்டுப்பாடுகளைத் தாண்டி தங்கள் வாழ்க்கைப் பயணத்தைத் தொடங்கியுள்ள இந்த இணையரின் செயல், தனிமனித சுதந்திரம் மற்றும் காதலின் வெற்றியாகப் பார்க்கப்படுகிறது.