ஈரான் மற்றும் இஸ்ரேல் இடையிலான போர் பதற்றம் காரணமாக வான்வெளிகள் மூடப்பட்டுள்ளதால், சர்வதேச விமானங்கள் நீண்ட தூரம் சுற்றிச் செல்ல வேண்டிய கட்டாயம் ஏற்பட்டுள்ளது. இதனால் பயண நேரம் அதிகரித்துள்ளதால், தனது விமானிகளின் பணி நேரத்தை தற்காலிகமாக நீட்டிக்க ஏர் இந்தியா நிறுவனம் விமானப் போக்குவரத்து இயக்குநரகத்திடம் (DGCA) அனுமதி கோரியுள்ளது.

தற்போதுள்ள விதிகளின்படி விமானிகளுக்கு கூடுதல் ஓய்வு வழங்கப்பட வேண்டும் என்றாலும், போர்ச் சூழல் தணியும் வரை இந்த விதிகளில் இருந்து விலக்கு அளிக்கக் கோரப்பட்டுள்ளது. பாகிஸ்தான் மற்றும் ஈரான் வான்வெளிகள் முடக்கப்பட்டுள்ளதே இந்த இக்கட்டான நிலைக்கு முக்கிய காரணமாகக் கூறப்படுகிறது.