பெல்டாங்காவின் சுருலியா கிராமத்தில் ஷாஹனாஸ் காதுன் என்ற இளம்பெண் காதல் திருமணம் செய்த ஐந்தே மாதங்களில் உயிரிழந்த சம்பவம் பெரும் பரபரப்பை ஏற்படுத்தியுள்ளது. கணவர் மக்லேசூர் ரஹ்மான் மற்றும் அவரது குடும்பத்தினர் ஷாஹனாஸை கழுத்தை நெரித்து கொலை செய்ததாக உறவினர்கள் குற்றம் சாட்டியுள்ளனர். திருமணமான சில மாதங்களிலேயே அவர் மீது கடுமையான உடல் மற்றும் மன ரீதியான சித்திரவதைகள் நடத்தப்பட்டதாகக் கூறப்படுகிறது.

திங்கள்கிழமை நள்ளிரவு இந்த கொடூர சம்பவம் நடந்த நிலையில் தற்போது கணவர் மற்றும் அவரது குடும்பத்தினர் தலைமறைவாக உள்ளனர். தகவலறிந்து வந்த பெல்டாங்கா காவல்துறையினர் உடலைக் கைப்பற்றி பிரேதப் பரிசோதனைக்கு அனுப்பி வைத்தனர். உயிரிழந்த பெண்ணின் கழுத்தில் காயங்கள் இருப்பதாக அவரது தாயார் தெரிவித்துள்ளார். இந்த சம்பவம் குறித்து வழக்குப்பதிவு செய்துள்ள போலீசார் தலைமறைவானவர்களை தீவிரமாகத் தேடி வருகின்றனர்.