செய்தி பிரிவு : இந்திய சமையலில் முக்கிய பங்கு வகிக்கும் பெருங்காயம், பெருங்காயச் செடியின் வேர்களில் இருந்து எடுக்கப்படும் பிசின் மூலம் தயாரிக்கப்படுகிறது. சமீபத்தில் வைரலான வீடியோவில், ஆப்கானிஸ்தானின் ஹெராத் மாகாணத்தில் இந்தச் செடியின் வேர்களைத் தோண்டி, பிசினைச் சேகரித்து, வெயிலில் காயவைத்து பெருங்காயமாக மாற்றும் கடினமான செயல்முறை விளக்கப்பட்டுள்ளது.

சந்தையில் கிடைக்கும் பெரும்பாலான பெருங்காயத்தூள் முற்றிலும் தூய்மையானது அல்ல என்பது குறிப்பிடத்தக்கது. தூய பெருங்காயம் விலை அதிகமாக இருப்பதால், சில்லறை விற்பனையில் உள்ளவற்றில் வெறும் 5 முதல் 10 சதவீதமே அசல் பிசின் உள்ளது. மீதமுள்ள பகுதியில் கோதுமை மாவு மற்றும் உண்ணக்கூடிய பிசின் சேர்க்கப்படுவதால், அதன் தரம் குறித்த விவாதம் சமூக வலைதளங்களில் எழுந்துள்ளது.