உங்கள் தோட்டத்தில் தானாக வளரும் கல்யாண முருங்கை செடி வெறும் குப்பைச் செடியல்ல, அது ஓர் அற்புதமான மருத்துவக் களஞ்சியம். குறிப்பாக பெண்களுக்கு ஏற்படும் பிசிஓடி, நீர்ர்க்கட்டி மற்றும் முறையற்ற மாதவிடாய் சுழற்சிக்கு இது சிறந்த தீர்வை வழங்குகிறது. இதன் இலைச் சாற்றை வெறும் வயிற்றில் குடித்து வந்தால் உடல் பருமன் குறைவதோடு, கருப்பை சார்ந்த கோளாறுகளும் நீங்கும் என்று சித்த மருத்துவர் அபிராமி விளக்குகிறார்.

சளி, ஆஸ்துமா மற்றும் சைனஸ் போன்ற சுவாசப் பிரச்னைகளுக்கும் கல்யாண முருங்கை இலைகள் சிறந்த மருந்தாகச் செயல்படுகின்றன. சிறுநீர்த் தொற்று உள்ளவர்களுக்கும் இது நல்ல பலனைத் தரும். பிரகாசமான சிவப்பு நிறப் பூக்களைக் கொண்ட இந்த மரத்தை அடையாளம் கண்டு வளர்ப்பது ஒட்டுமொத்த குடும்பத்தின் ஆரோக்கியத்திற்கும் பாதுகாப்பானது. உங்கள் வீட்டில் இருக்கும் இந்த இயற்கை மருத்துவரை வெட்டி எறியாதீர்கள்.