புதுச்சேரி சட்டப்பேரவைத் தேர்தலில் என்டிஏ கூட்டணியின் தொகுதி பங்கீடு இறுதி செய்யப்பட்டுள்ளது. இதன்படி முதல்வர் ரங்கசாமி தலைமையிலான என்ஆர் காங்கிரஸ் 16 தொகுதிகளில் போட்டியிட உள்ளது. மீதமுள்ள 14 இடங்கள் பாஜக மற்றும் அதன் கூட்டணி கட்சிகளான அதிமுக, லஜக ஆகியவற்றிற்கு ஒதுக்கப்பட்டுள்ளது.

மத்திய அமைச்சர் மான்சுக் மாண்டவியா மற்றும் முதல்வர் ரங்கசாமி இடையிலான பேச்சுவார்த்தைக்குப் பிறகு இந்த முடிவு அறிவிக்கப்பட்டது. பிரதமர் மோடியின் வழிகாட்டுதல் மற்றும் மாநில அரசின் வளர்ச்சிப் பணிகளை முன்வைத்து தேர்தலை சந்திக்க உள்ளதாக கூட்டணி தலைமை தெரிவித்துள்ளது. எந்தெந்த தொகுதிகளில் யார் போட்டியிடுவார்கள் என்பது விரைவில் அறிவிக்கப்படும்.