தைராய்டு சுரப்பியில் ஏற்படும் ஹார்மோன் சமநிலையின்மை ஆண்களுக்கும் பெண்களுக்கும் பாதிப்பை ஏற்படுத்துகிறது, ஆனால் பெண்களிடம் இது அதிகமாகக் காணப்படுகிறது. இந்த சமநிலையின்மையால் எடை அதிகரிப்பு உட்பட பல உடல்நலப் பிரச்சனைகள் ஏற்படலாம், இதற்கு பொதுவாக தினசரி மருந்துகள் தேவைப்படுகின்றன. இருப்பினும், பழங்கால ஆயுர்வேதத்தில் முக்கிய இடம் பெற்றுள்ள துளசி இலைகள், தைராய்டு பிரச்சனைகளை நிர்வகிக்க உதவும். துளசியில் உள்ள அழற்சி எதிர்ப்புப் பண்புகள் (Anti-inflammatory) தைராய்டு சுரப்பியின் வீக்கத்தைக் குறைப்பதில் பயனுள்ளதாக இருப்பது ஆய்வுகளில் தெரியவந்துள்ளது.

தைராய்டைக் கட்டுப்படுத்த, துளசி இலைகளைத் தொடர்ந்து உட்கொள்ளலாம். பத்து துளசி இலைகளைப் பிழிந்து சாறு எடுத்து, அதனுடன் ஒரு ஸ்பூன் கற்றாழை (Aloe Vera) சாற்றைக் கலந்து ஒரு நாளைக்கு ஒரு முறை குடிக்கலாம். மற்றொரு வழி, சில துளசி இலைகளை வெந்நீரில் கொதிக்க வைத்து துளசி தேநீர் அருந்துவது. நீங்கள் ஏற்கனவே தைராய்டுக்கான மருந்துகளை எடுத்துக்கொண்டிருந்தால், துளசியை எடுத்துக்கொள்வதற்கு முன் உங்கள் மருத்துவரை அணுகுவது மிக அவசியம்.