திமுக மாவட்டச் செயலாளர்கள் கூட்டத்தின் தேதி மார்ச் 15-லிருந்து மார்ச் 16-ஆம் தேதிக்கு திடீரென மாற்றப்பட்டுள்ளது. மத்திய அரசைக் கண்டித்து மதச்சார்பற்ற முற்போக்குக் கூட்டணி நடத்தும் போராட்டத்தின் காரணமாக இந்த மாற்றம் செய்யப்பட்டுள்ளது. சென்னை அண்ணா அறிவாலயத்தில் முதல்வர் மு.க.ஸ்டாலின் தலைமையில் இந்த முக்கிய ஆலோசனை கூட்டம் நடைபெறவுள்ளது.

2026 சட்டமன்றத் தேர்தலை முன்னிட்டு தொகுதிப் பங்கீடு மற்றும் பூத் கமிட்டி பணிகளைச் சரிபார்ப்பது குறித்து இதில் தீவிரமாக விவாதிக்கப்படும். குறிப்பாக காங்கிரஸ் மற்றும் விசிக உள்ளிட்ட கூட்டணிக் கட்சிகளுக்கான இடங்கள் குறித்தும், தேர்தல் அறிவிப்பு வெளியானவுடன் மேற்கொள்ள வேண்டிய களப்பணிகள் குறித்தும் மாவட்டச் செயலாளர்களுக்கு முதல்வர் கடும் உத்தரவுகளைப் பிறப்பிப்பார் என எதிர்பார்க்கப்படுகிறது.