விசாகப்பட்டினத்திலிருந்து டெல்லி நோக்கி வந்த இண்டிகோ விமானத்தில் இயந்திரக் கோளாறு கண்டறியப்பட்டதால் டெல்லி விமான நிலையத்தில் பெரும் பதற்றம் உருவானது. விமானம் புறப்பட்ட சிறிது நேரத்திலேயே என்ஜினில் சிக்கல் இருப்பதை விமானி கவனித்ததையடுத்து, உடனடியாக ஓடுதளம் தயார் செய்யப்பட்டு தீயணைப்பு மற்றும் ஆம்புலன்ஸ் வாகனங்கள் குவிக்கப்பட்டன. பயணிகளின் பாதுகாப்பை கருதி விமான நிலைய அதிகாரிகள் அனைத்து அவசரக்கால நெறிமுறைகளையும் செயல்படுத்தியுள்ளனர்.

இந்த சம்பவத்தால் டெல்லி விமான நிலையத்தில் விமான போக்குவரத்து தற்காலிகமாக பாதிக்கப்பட்டது. இயந்திரக் கோளாறு காரணமாக பெரும் விபத்து ஏற்படும் அபாயம் நிலவிய போதிலும், நிலைமையைக் கையாள அதிகாரிகள் உச்சகட்ட எச்சரிக்கையுடன் செயல்பட்டு வருகின்றனர். என்ஜின் செயலிழக்கக்கூடும் என்ற அச்சத்தில் எடுக்கப்பட்ட இந்த நடவடிக்கையைத் தொடர்ந்து, விமானத்தை பாதுகாப்பாக தரையிறக்க தீவிர முயற்சிகள் மேற்கொள்ளப்பட்டு வருகின்றன.