ஜம்முவில் நடைபெற்ற திருமண நிகழ்ச்சி ஒன்றில் கலந்து கொண்டு திரும்பிய முன்னாள் முதல்வர் பரூக் அப்துல்லா மீது மர்ம நபர் ஒருவர் துப்பாக்கியால் சுட முயன்றார். 88 வயதான அவரை பாதுகாப்பு அதிகாரிகள் உடனடியாக பத்திரமாக மீட்டனர். இந்த சம்பவம் தொடர்பாக 63 வயதான கமல் சிங் ஜம்வால் என்பவரை காவல்துறையினர் கைது செய்துள்ளனர்.

மத்திய உள்துறை அமைச்சர் அமித் ஷா, பரூக் அப்துல்லாவை தொலைபேசியில் அழைத்து நலம் விசாரித்ததுடன் உரிய விசாரணைக்கும் உத்தரவிட்டுள்ளார். இசட் பிளஸ் பாதுகாப்பு பிரிவில் இருக்கும் ஒரு தலைவர் மீது இத்தகைய தாக்குதல் முயற்சி நடத்தப்பட்டிருப்பது அரசியல் வட்டாரத்தில் பெரும் பரபரப்பை ஏற்படுத்தியுள்ளது.