சிவகாசி அருகே தனியாக வசித்து வந்த ஓய்வுபெற்ற ஆசிரியை தாயாரம்மாள் மர்மமான முறையில் உயிரிழந்தார். முதலில் இயற்கை மரணம் என்று கருதப்பட்ட நிலையில், இறுதிச் சடங்கின் போது அவரது 5 சவரன் தங்க நகைகள் மாயமானதால் உறவினர்களுக்கு சந்தேகம் ஏற்பட்டது. உடற்கூறாய்வு அறிக்கையில் அவர் மூச்சுத்திணறி கொலை செய்யப்பட்டது உறுதி செய்யப்பட்டது.

விசாரணையில் தாயாரம்மாளின் முன்னாள் தோழி ஜமுனா, கடன் தொல்லையால் இந்த கொடூரத்தை செய்தது தெரியவந்தது. கடந்த 10-ஆம் தேதி இரவு மூதாட்டியின் வீட்டிற்கு சென்ற ஜமுனா, நள்ளிரவில் அவரை தலையணையால் அழுத்தி கொலை செய்துவிட்டு நகைகளுடன் தப்பியோடியுள்ளார். தலைமறைவாக இருந்த ஜமுனாவை போலீசார் கைது செய்து சிறையில் அடைத்தனர்.