சிறுநீரின் நிறம் மாறுவது அல்லது அடிக்கடி சிறுநீர் கழிப்பது போன்ற உடல் உபாதைகளை சாதாரணமாக எடுத்துக்கொள்ளக் கூடாது என மருத்துவர்கள் எச்சரிக்கின்றனர். சிறுநீரக நிபுணர் டாக்டர் மாதவ் சஞ்ச்கிரி கூறுகையில், முறையான சிகிச்சையளிக்கப்படாத சிறுநீர்க்குழாய் தொற்று செப்சிஸ் போன்ற உயிருக்கு ஆபத்தான நிலைக்கு இட்டுச் செல்லும். இது சிறுநீரகம், புரோஸ்டேட் மற்றும் இதய நோய்களின் ஆரம்பக்கால எச்சரிக்கை அறிகுறியாகும்.

ஆண்களுக்கு சிறுநீர் கழிப்பதில் சிரமம் இருந்தால் அது புரோஸ்டேட் புற்றுநோயின் அறிகுறியாக இருக்கலாம். பெண்களுக்கு சிறுநீரை அடக்க முடியாமை நரம்பு தளர்ச்சியைக் குறிக்கிறது. இரத்தத்தில் சர்க்கரை அளவு அதிகரிப்பது அல்லது இதயக் கோளாறுகள் காரணமாகவும் இத்தகைய மாற்றங்கள் நிகழ்கின்றன. எனவே இந்த அறிகுறிகள் தென்பட்டால் உடனடியாக மருத்துவ ஆலோசனை பெறுவது அவசியம் என்று நிபுணர்கள் அறிவுறுத்துகின்றனர்.