தென்னாப்பிரிக்காவுக்கு எதிரான ஒருநாள் தொடரில் தொடர்ச்சியாக இரண்டாவது சதத்தை அடித்து விராட் கோலி மீண்டும் ‘ரன் மெஷின்’ என்பதை நிரூபித்துள்ளார். ராஞ்சிக்குப் பிறகு ராய்ப்பூரில் 93 பந்துகளில் 102 ரன்கள் எடுத்து அவர் அசத்தினார். இந்த ஆட்டத்தில் தென்னாப்பிரிக்கா 4 விக்கெட் வித்தியாசத்தில் வென்றபோதிலும், கோலியின் இந்தத் தொடர்ச்சியான செயல்பாடு கிரிக்கெட் வட்டாரத்தில் மிகுந்த பாராட்டுகளைப் பெற்றுள்ளது.

கிங் கோலியின் இந்தச் சாதனைக்காகப் பல முன்னாள் வீரர்கள் அவருக்கு வாழ்த்து தெரிவித்துள்ளனர். வீரேந்திர சேவாக் ‘X’ தளத்தில், “விராட் கோலிக்கு 100-ன் மீதான போதை தனித்துவமானது. நாங்கள் சதங்களை எண்ணுகிறோம், ஆனால் அவர் அதை அன்றாட வேலையாக செய்கிறார்,” என்று பதிவிட்டுள்ளார். முகமது கைஃப் கோலியை ‘வின்டேஜ்’ என்று குறிப்பிட்டதுடன், சுரேஷ் ரெய்னா இதை இந்திய கிரிக்கெட்டுக்கு ‘அழகான நாள்’ என்று புகழ்ந்துள்ளார்.