ஆந்திராவில் இந்த ஆண்டு கோடை வெப்பம் வழக்கத்தை விட அதிகமாக இருக்கும் என வானிலை ஆய்வு மையம் எச்சரித்துள்ளது. இதனை எதிர்கொள்ள ‘ஹீட் வேவ் ஆக்ஷன் பிளான் 2026’ திட்டத்தை உள்துறை அமைச்சர் அனிதா அறிமுகப்படுத்தினார். மாநிலம் முழுவதும் தடையற்ற மின்சாரத்தை உறுதி செய்ய வேண்டும் என்றும், மின் தடை என்ற பேச்சுக்கே இடம் இருக்கக்கூடாது என்றும் அதிகாரிகளுக்கு அவர் மிகத்தெளிவாக உத்தரவிட்டுள்ளார்.

வெப்பத்தின் பிடியில் இருந்து பொதுமக்களைப் பாதுகாக்க பள்ளிகளுக்கு விடுமுறை மற்றும் ஆங்காங்கே தண்ணீர், மோர்ப் பந்தல்கள் அமைக்க அறிவுறுத்தப்பட்டுள்ளது. குறிப்பாக குழந்தைகள் மற்றும் முதியவர்களின் நலனில் கூடுதல் கவனம் செலுத்தி, குடிநீர் தட்டுப்பாடு ஏற்படாமல் பார்த்துக் கொள்ளுமாறு மாவட்ட ஆட்சியர்களுக்கும் மின்வாரிய அதிகாரிகளுக்கும் அமைச்சர் அறிவுறுத்தியுள்ளார். கோடைகால சவால்களை எதிர்கொள்ள அரசு இயந்திரம் தயார் நிலையில் உள்ளது.