ராஜஸ்தானின் பில்வாராவைச் சேர்ந்த அமிர்த் ஜெயின், எந்தவித பயிற்சி மையத்தின் உதவியும் இல்லாமல், தொடர்ந்து நான்கு முறை யுபிஎஸ்சி சிவில் சர்வீஸ் தேர்வில் வெற்றி பெற்று சாதனை படைத்துள்ளார். கடினமான இந்தப் தேர்வில் வெற்றி பெற பல ஆண்டுகால தயாரிப்பும், பல முயற்சிகளும், கோச்சிங் உதவியும் தேவைப்படும் நிலையில், அமிர்த் ஜெயின் அதற்கு விதிவிலக்காக திகழ்கிறார். தற்போது உத்தரப் பிரதேசத்தின் அலிகாரில் ஏ.எஸ்.பி.யாகப் பணியாற்றும் இவர், கடின உழைப்பு, தன்னம்பிக்கை மற்றும் கட்டுப்பாடு ஆகியவை அசாதாரண வெற்றிக்கு முக்கியமானவை என்பதை நிரூபித்துள்ளார்.

என்ஐடி வாரங்கலில் எலெக்ட்ரிக்கல் இன்ஜினியரிங் படித்த பிறகு, சிவில் சர்வீஸில் சேர அமிர்த் கனவு கண்டார். முதல் முயற்சியில் தோல்வியடைந்தாலும், அவர் கோச்சிங்கை நாடாமல், தனது படிக்கும் உத்தியை மாற்றினார். தேர்வு முறையைப் பற்றி முழுமையாகப் புரிந்துகொண்டு, 140 மாதிரித் தேர்வுகளைப் பயிற்சி செய்தார். 2018 முதல் 2021 வரை தொடர்ந்து நான்கு முறை தேர்ச்சி பெற்ற அமிர்த், தன்னுடைய வெற்றிக் கதையால் நாடு முழுவதும் உள்ள இளைஞர்களுக்கு உத்வேகம் அளித்து வருகிறார்.