உத்தரபிரதேசத்தில் குழந்தைப் பேறுக்காக கணவர் ஒருவர் தனது மனைவியை கொடூரமாக துன்புறுத்திய சம்பவம் வெளிச்சத்திற்கு வந்துள்ளது. திருமணமாகி ஒன்றரை வருடங்களாகியும் குழந்தை இல்லாததால், மாமனார் வீட்டினர் பெண்ணை மன ரீதியாகவும், உடல் ரீதியாகவும் துன்புறுத்தத் தொடங்கினர். கணவர் அந்தப் பெண்ணை அசத் நகரில் உள்ள ஒரு மந்திரவாதியிடம் அழைத்துச் சென்றுள்ளார். அங்கு, அவருக்கு மயக்க மருந்து கொடுக்கப்பட்டு, அவர் நினைவிழந்தார்.

பின்னர் நினைவு திரும்பிய போது, இரண்டு அந்நியர்கள் தன்னை பாலியல் வன்கொடுமை செய்ததை அறிந்து அதிர்ச்சியடைந்தார். மாமியார் மற்றும் நாத்தனாரிடம் இதுபற்றி கூறியபோது, அவர்கள் உதவாமல் அவதூறாகப் பேசி, அடித்து வீட்டை விட்டு வெளியேற்றியுள்ளனர். இதனையடுத்து, அப்பெண் தனது பெற்றோருடன் சென்று காவல்துறையில் புகார் அளித்துள்ளார். காவல்துறை மந்திரவாதி, கணவர் உட்பட நான்கு பேர் மீது வழக்குப் பதிவு செய்து சட்ட நடவடிக்கை எடுத்து வருகிறது.