விசாகப்பட்டினம் போலீசார் சர்வதேச மனித கடத்தல் மற்றும் சைபர் கிரைம் வலையமைப்பைக் கண்டறிந்துள்ளனர். போலியான வேலை வாய்ப்புகளைக் கூறி, இந்திய இளைஞர்கள் கம்போடியா, மியான்மர், தாய்லாந்து மற்றும் லாவோஸில் உள்ள மோசடி மையங்களுக்கு அனுப்பப்பட்டனர். போலீசார் 85 பேரை மீட்டு, இந்த கும்பலில் தொடர்புடைய 20 பேரை கைது செய்துள்ளனர். இந்த கும்பலின் மூளையாக விஜய் குமார் என்கிற சன்னி செயல்பட்டு வந்துள்ளான், இவன் ஆந்திரப் பிரதேசம் மற்றும் தெலுங்கானா மாநிலங்களைச் சேர்ந்த தெலுங்கு பேசும் இளைஞர்களை குறிவைத்துள்ளான்.

விசாரணையில், சுமார் 500 இளைஞர்கள் மியான்மர் மற்றும் கம்போடியாவில் சைபர் மோசடியில் சிக்கியுள்ளது தெரியவந்துள்ளது. கேட்ஃபிஷிங் மற்றும் முதலீட்டு மோசடிகள் போன்ற குற்றங்களைச் செய்ய அவர்கள் கட்டாயப்படுத்தப்பட்டுள்ளனர். பாதிக்கப்பட்டவர்களுக்கு உதவ, விசாகப்பட்டினம் போலீசார் ஒரு உதவி எண்ணை (79959 0099) வெளியிட்டுள்ளனர். இந்த சர்வதேச வலையமைப்பிற்குப் பின்னால் செயல்படும் சீன சைபர் கிரைம் சிண்டிகேட்டுகளையும் போலீசார் அம்பலப்படுத்த முயன்று வருகின்றனர்.