கனடாவின் கால்கரி பகுதியில் உள்ள வணிக நிறுவனம் ஒன்றில் நடத்தப்பட்ட துப்பாக்கிச்சூடு சம்பவத்திற்கு லாரன்ஸ் பிஷ்னோய் கும்பல் பொறுப்பேற்றுள்ளது. டைசன் பிஷ்னோய் மற்றும் ஆர்சு பிஷ்னோய் ஆகியோர் சமூக வலைதளப் பதிவின் மூலம் ‘மால்வா டயர்ஸ்’ கடையில் நடந்த இந்த தாக்குதலைத் தாங்களே நடத்தியதாகக் கூறியுள்ளனர். இது தொடர்பான வீடியோவும் தற்போது இணையத்தில் வைரலாகி பெரும் பரபரப்பை ஏற்படுத்தியுள்ளது.

இந்த சமூக வலைதளப் பதிவு மற்றும் வீடியோவின் உண்மைத்தன்மையை பாதுகாப்பு முகமைகள் தீவிரமாக ஆய்வு செய்து வருகின்றன. இந்த தாக்குதலில் ஹர்ப்ரீத் ப்ரார் என்பவருக்குத் தொடர்பு இருப்பதாகக் கூறப்படுவது குறித்தும் விசாரணை நடைபெறுகிறது. வெளிநாடுகளில் அதிகரித்து வரும் இத்தகைய கும்பல் மோதல்கள் பாதுகாப்பு அமைப்புகளுக்குப் பெரும் சவாலாக மாறியுள்ள நிலையில், குற்றவாளிகளைக் கண்டறியும் பணிகள் முடுக்கிவிடப்பட்டுள்ளன.