சந்தையில் இருந்து வாங்கி வரும் காய்கறிகள் மற்றும் பழங்களை ஒரே பையில் அல்லது பிரிட்ஜில் ஒன்றாக வைப்பது ஆரோக்கியத்திற்கு தீங்கு விளைவிக்கும். வெள்ளரிக்காயை தர்பூசணி, வாழைப்பழம் அல்லது தக்காளியுடன் வைத்தால் உருவாகும் எத்திலீன் வாயு உணவை விரைவாக கெடுத்துவிடும். அதேபோல் ஆப்பிள் மற்றும் பேரிக்காயுடன் பூசணிக்காயை வைப்பது அதன் தரத்தை குறைக்கும். ஆப்பிள் மற்றும் ஆரஞ்சு பழங்களை ஒரே கூடையில் வைப்பதும், பிளாஸ்டிக் பைகளில் பழங்களை சேமிப்பதும் அவை விரைவில் அழுகுவதற்கு காரணமாகிறது.

உருளைக்கிழங்கு மற்றும் சர்க்கரைவள்ளிக் கிழங்கை பிரிட்ஜில் வைக்காமல் உலர்ந்த இடத்தில் தனித்தனி காகிதப் பைகளில் வைக்க வேண்டும். விலை உயர்ந்த அவகேடோ பழங்களை வாழைப்பழங்களுடன் சேர்த்து வைப்பதைத் தவிர்க்க வேண்டும். இவற்றை வெட்டி காற்று புகாத டப்பாவில் அடைத்து வைப்பதன் மூலம் நீண்ட நாட்கள் கெடாமல் பாதுகாக்கலாம். உணவின் சத்துக்களை தக்கவைக்க இத்தகைய முறையான சேமிப்பு முறைகளை பின்பற்றுவது அவசியம்.