அகமதாபாத்தில் நடைபெற்ற 2026 டி20 உலகக்கோப்பை இறுதிப்போட்டியில் நியூசிலாந்தை 96 ரன்கள் வித்தியாசத்தில் வீழ்த்தி இந்திய அணி சாம்பியன் பட்டம் வென்றது. இதன் மூலம் கபில் தேவ், தோனி மற்றும் ரோஹித் சர்மா ஆகியோருக்குப் பிறகு உலகக்கோப்பையை வென்று தந்த நான்காவது இந்திய கேப்டன் என்ற வரலாற்றுச் சாதனையை சூர்யகுமார் யாதவ் படைத்துள்ளார்.

பரிசளிப்பு விழாவின் போது இந்த வெற்றியை நம்ப முடியாமல் சூர்யகுமார் தனது கன்னத்தில் மெதுவாக அறைந்து கொண்டார். இது கனவா அல்லது நிஜமா என்பதை உணர அவர் செய்த இந்தச் செயல் ரசிகர்களை நெகிழ்ச்சியில் ஆழ்த்தியது. தனது நீண்ட பயணத்தில் உறுதுணையாக இருந்த பிசிசிஐ மற்றும் வீரர்களுக்கு நன்றி தெரிவித்த அவர், பும்ராவை நாட்டின் பொக்கிஷம் எனப் புகழ்ந்து தள்ளினார்.