உளவியலாளர்கள் மற்றும் உறவு நிபுணர்களின் கூற்றுப்படி, நீண்ட கால காதல் மற்றும் திருமண உறவுகளை நிலைநிறுத்துவதற்கு உணர்ச்சிபூர்வமான ஈடுபாட்டிற்கு இணையாக உடல் ரீதியான ஸ்பரிசமும் பாசமும் மிகவும் முக்கியம். வெறும் உணர்ச்சிகளை நம்பாமல், உறவில் நெருக்கத்தை பராமரிக்க, தினசரி குறைந்தபட்ச உடல் ரீதியான அன்யோன்யம் அவசியம் என்று அவர்கள் வலியுறுத்துகின்றனர். இந்த வழக்கமான காதல் தருணங்கள் இல்லாதது ஒரு உறவை வணிகப் பங்காளியாக (Business Partner) மாற்றக்கூடும்.

‘டச் ரிசர்ச் இன்ஸ்டிடியூட்’-ஐ சேர்ந்த டிஃப்பனி ஃபீல்ட் மற்றும் கொலராடோ பல்கலைக்கழகத்தைச் சேர்ந்த பாவெல் கோல்ட்ஸ்டைன் ஆகியோரின் ஆய்வுகள், அன்பானவரின் ஸ்பரிசம் மன அழுத்தத்தைக் குறைப்பதற்கும் உடல் வலியைப் போக்குவதற்கும் உதவுவதாகத் தெரிவிக்கின்றன. கின்சே நிறுவனத்தின் ஆய்வாளர் ஹெலன் ஃபிஷரும், ஸ்பரிசம் என்பது பிணைப்புகளை வலுப்படுத்தும் மனிதனின் இயல்பான உள்ளுணர்வு என்று கூறுகிறார். உறவின் நீடித்த தன்மையை வலுப்படுத்த, தினசரி பல ‘அர்த்தமுள்ள ஸ்பரிசங்கள்’ அவசியம் என்று நிபுணர்கள் ஒட்டுமொத்தமாக வலியுறுத்துகின்றனர்.