உத்தரப் பிரதேசத்தின் கிராமப்புற சாலை வசதிகளை மேம்படுத்தும் நோக்கில் முதலமைச்சர் கிராமப்புற போக்குவரத்து திட்டத்திற்கு மாநில அமைச்சரவை ஒப்புதல் அளித்துள்ளது. இத்திட்டத்தின் கீழ் 12,200 கிராமங்கள் நேரடியாக மாவட்டத் தலைமையகங்களுடன் இணைக்கப்பட உள்ளன. கல்வி மற்றும் மருத்துவத் தேவைகளுக்காக கிராம மக்கள் காலை 10 மணிக்குள் நகரத்தை அடையும் வகையில், தினமும் இருமுறை பேருந்து சேவைகள் இயக்கப்பட உள்ளன.

தனியார் நிறுவனங்களுடன் இணைந்து சிறிய ரக பேருந்துகளை இயக்குவதன் மூலம் இத்திட்டம் செயல்படுத்தப்பட உள்ளது. கிராமப்புற பொருளாதாரத்தை வலுப்படுத்த பேருந்து உரிமையாளர்களுக்கு சாலை வரியில் சிறப்பு விலக்கு அளிக்க அரசு முடிவு செய்துள்ளது. இதன் மூலம் பொதுமக்களுக்கான சேவை எளிமையாக்கப்படுவதோடு, வர்த்தகம் மற்றும் வேலைவாய்ப்புகளும் கணிசமாக உயரும் என்று எதிர்பார்க்கப்படுகிறது.