பிரிட்டிஷ் உளவியலாளரும், முதனி (Primate) நடத்தை நிபுணருமான ராபின் டன்பாரின் பிரபல கோட்பாட்டின்படி, மனித மூளையானது அதிகபட்சமாக 150 பேருடன் மட்டுமே அர்த்தமுள்ள சமூக உறவுகளைப் பேண முடியும். இந்த எண்ணிக்கை ‘டன்பாரின் எண்’ அல்லது ‘சமூக மூளை கருதுகோள்’ (Social Brain Hypothesis) என்று அழைக்கப்படுகிறது. நினைவகம், மொழி மற்றும் சமூக உறவுகளைக் கட்டுப்படுத்தும் மூளையின் நியோகார்டெக்ஸ் (Neocortex) பகுதியின் அளவைக் கொண்டு இந்த வரம்பு தீர்மானிக்கப்பட்டுள்ளது. 150 என்ற வரம்பைத் தாண்டும்போது, பரஸ்பர ஈடுபாட்டிற்குத் தேவையான கவனத்தையும் நேரத்தையும் ஒதுக்க முடியாததால், உறவுகள் பெரும்பாலும் “ஒருதலைப்பட்சமானவை” ஆகிவிடுகின்றன என்று டன்பார் கூறுகிறார்.

டன்பாரின் கோட்பாட்டின்படி, இந்த 150 பேருக்குள் உறவுகள் அடுக்கடுக்காகப் பிரிக்கப்பட்டுள்ளன: 5 நெருங்கிய நண்பர்கள் அல்லது குடும்பத்தினர், 15 நல்ல நண்பர்கள் மற்றும் 50 நண்பர்கள். நீங்கள் அறிந்தவர்களின் (acquaintances) மொத்த எண்ணிக்கை இதைவிட அதிகமாக இருக்கலாம், ஆனால் ஆழ்ந்த உறவுகளுக்கான உங்கள் சமூக ‘வலைப்பின்னல்’ 150 பேருடன் மட்டுப்படுத்தப்பட்டுள்ளது. இருப்பினும், ஸ்டாக்ஹோம் பல்கலைக்கழக ஆராய்ச்சியாளர்கள் உட்பட சிலர் இந்தக் கோட்பாட்டுடன் உடன்படவில்லை, ஏனெனில் மூளையின் அளவின் அடிப்படையில் மனித சமூகக் குழுக்களின் அளவிற்கு எந்தவொரு குறிப்பிட்ட மனரீதியான வரம்பையும் தீர்மானிக்க முடியாது என்று அவர்கள் கூறுகின்றனர்.