செய்தி பிரிவு : உடல் வளர்ச்சி மற்றும் நோய் எதிர்ப்பு சக்தியை வலுப்படுத்துவதில் புரதச்சத்து முக்கிய பங்கு வகிக்கிறது. தசைகளை வலுப்படுத்துவதற்கும், சேதமடைந்த திசுக்களை சீரமைப்பதற்கும் இது அவசியம். புரதச்சத்து குறைபாடு ஏற்பட்டால் சோர்வு, தசை வலி மற்றும் முடி உதிர்தல் போன்ற பிரச்சனைகள் உண்டாகும். ஒரு நபர் தனது உடல் எடையில் ஒரு கிலோவிற்கு ஒரு கிராம் என்ற அளவில் புரதத்தை தினமும் உட்கொள்வது ஆரோக்கியமான ஹார்மோன் சமநிலை மற்றும் செரிமானத்திற்கு வழிவகுக்கும்.

விலையுயர்ந்த சப்ளிமெண்ட்டுகளுக்குப் பதிலாக, அன்றாட உணவிலேயே புரதச்சத்தைப் பெற முடியும். சைவ உணவு உண்பவர்கள் பருப்பு வகைகள், பன்னீர், சோயா மற்றும் பாதாம் ஆகியவற்றைச் சேர்க்கலாம். அசைவ உணவு உண்பவர்களுக்கு முட்டை, மீன் மற்றும் கோழி இறைச்சி சிறந்த ஆதாரங்களாகும். புரதத்தை ஒரே நேரத்தில் அதிகமாக உண்பதை விட, நாள் முழுவதும் சிறு சிறு பகுதிகளாகப் பிரித்து உட்கொள்வது சிறந்த செரிமானத்திற்கு உதவும் என்று நிபுணர்கள் கூறுகின்றனர்.