நாட்டின் உச்ச நீதிமன்றத்தில் வழக்குகளின் பட்டியலைத் தயாரிப்பதிலும், அமர்வுகளைத் தீர்மானிப்பதிலும் செயற்கை நுண்ணறிவு (AI) தொழில்நுட்பத்தைப் பயன்படுத்தத் திட்டமிடப்பட்டுள்ளது. நிர்வாகப் பணிகளில் வெளிப்படைத்தன்மையைக் கொண்டுவரவும், பணிகளை விரைவுபடுத்தவும் இந்த நவீன முயற்சி மேற்கொள்ளப்படுகிறது. வழக்கு பட்டியலிடும் முறையில் நிலவும் சிக்கல்கள் மற்றும் முறைகேடுகளைக் கண்டறிந்ததையடுத்து, இந்தத் தொழில்நுட்ப மாற்றத்திற்கான முடிவு எடுக்கப்பட்டுள்ளதாகத் தெரிகிறது.

தற்போது தலைமை நீதிபதியின் கீழ் வழக்கமான முறையில் வழக்குகள் பட்டியலிடப்படுகின்றன. இந்த நடைமுறையில் உள்ள முரண்பாடுகளைக் களைய முதற்கட்டமாக ஏஐ தொழில்நுட்பத்தைச் சோதனை அடிப்படையில் அறிமுகப்படுத்தத் திட்டமிடப்பட்டுள்ளது. இது குறித்து உச்ச நீதிமன்றம் இன்னும் அதிகாரப்பூர்வமாக அறிவிக்கவில்லை என்றாலும், இந்த மாற்றம் நீதித்துறை நிர்வாகத்தில் ஒரு புரட்சிகரமான மைல்கல்லாக அமையும் என நிபுணர்கள் கருதுகின்றனர்.