ஈராக்கின் கோர் அல் ஜுபைர் துறைமுகப் பகுதியில் மார்ஷல் தீவுகளின் கொடியுடன் சென்ற ‘செப்சி விஷ்ணு’ கப்பல் மீது ஈரான் நடத்திய தற்கொலை படை படகு தாக்குதலில் இந்திய மாலுமி ஒருவர் பலியானார். அமெரிக்காவிற்கு சொந்தமான இந்த எண்ணெய் கப்பலில் இருந்த மற்ற 27 பணியாளர்கள் பத்திரமாக மீட்கப்பட்டு ஈராக்கின் பஸ்ரா நகரத்திற்கு கொண்டு செல்லப்பட்டனர்.

இந்த துயரமான சம்பவத்தை அடுத்து இந்திய மாலுமிகளின் பாதுகாப்பை உறுதி செய்ய இந்திய அரசு உடனடியாக தலையிட வேண்டும் என்று கப்பல் நிறுவனம் வலியுறுத்தியுள்ளது. இந்த தாக்குதல் சர்வதேச கடல் வழித்தடத்தில் பெரும் பதற்றத்தை ஏற்படுத்தியுள்ளது.