இன்றைய காலகட்டத்தில் அதிகரித்துள்ள மன அழுத்தம் மற்றும் தவறான வாழ்வியல் முறைகளால் இளைஞர்களிடையே மூளை பக்கவாதம் (Brain Stroke) பாதிப்பு அதிகரித்து வருகிறது. மூளைக்குச் செல்லும் இரத்த ஓட்டம் தடைபடுவதால் மூளை செல்கள் விரைவாகச் செயலிழப்பதே இதற்கு முக்கிய காரணம் என நரம்பியல் நிபுணர் டாக்டர் மனோஜ் மஹாதா எச்சரிக்கிறார். இந்தியாவில் ஆண்டுதோறும் சுமார் 18 லட்சம் பேர் இப்பாதிப்பிற்கு உள்ளாகின்றனர். உயர் இரத்த அழுத்தம், நீரிழிவு மற்றும் புகைபிடித்தல் போன்றவை பக்கவாதம் ஏற்படுவதற்கான முக்கிய காரணிகளாகக் கருதப்படுகின்றன.