அலுவலகத்தில் வேலை செய்யும் இடத்தை அழகாக்கவும், மன அழுத்தத்தைக் குறைக்கவும் பலரும் தங்கள் டெஸ்க்கில் செடிகளை வைப்பது வழக்கம். பசுமை மனதிற்கு நிம்மதி தந்தாலும், வாஸ்து சாஸ்திரப்படி சில செடிகளை அலுவலக மேஜையில் வைப்பது உங்கள் தொழில் வளர்ச்சி மற்றும் பதவி உயர்வை பாதிக்கலாம் என நம்பப்படுகிறது.

உங்கள் கரியரில் முன்னேற்றம் தடைபடாமல் இருக்க, டெஸ்க்கில் தவிர்க்க வேண்டிய அந்த 4 செடிகள் எவை என்று இங்கே பார்ப்போம்:

கள்ளிச்செடி (Cactus):

பார்க்க அழகாக இருந்தாலும், கள்ளிச்செடியின் முட்கள் எதிர்மறை ஆற்றலை உருவாக்கும். இது வேலையில் தேவையற்ற பதற்றம், சக ஊழியர்களுடன் மனக்கசப்பு மற்றும் முடிவெடுப்பதில் குழப்பத்தை ஏற்படுத்தலாம். இதனால் உங்கள் கரியர் வளர்ச்சி பாதிக்கப்பட வாய்ப்புள்ளது.

சோற்றுக்கற்றாழை (Aloe Vera):

மருத்துவ குணங்கள் கொண்ட கற்றாழை, அலுவலக மேஜைக்கு உகந்தது அல்ல. வாஸ்துப்படி, இது வேலையிடத்தில் வீண் விவாதங்களையும், புரிதல் இன்மையையும் அதிகரிக்கும். சக ஊழியர்களிடையே தேவையற்ற வாக்குவாதங்களை உருவாக்கி, தொழில்முறை உறவுகளைச் சிதைக்கக்கூடும்.

மூங்கில் செடி (Bamboo Plant):

அதிர்ஷ்டத்தின் அடையாளமாக மூங்கில் கருதப்பட்டாலும், அலுவலக டெஸ்க்கில் சிறிய இடத்தில் பெரிய மூங்கில் செடிகளை வைப்பது மன அழுத்தத்தை அதிகரிக்கும் என வாஸ்து நிபுணர்கள் கூறுகின்றனர். இது வேலைப்பளுவைச் சமாளிக்க முடியாமல் செய்வதுடன், நீண்ட கால கரியர் வளர்ச்சியைத் தாமதப்படுத்தலாம்.

துளசி (Tulsi):

துளசி மிகவும் புனிதமான செடி. ஆனால், அலுவலகம் என்பது ஒரு வணிக தளம் என்பதால், அங்கு துளசிக்குத் தேவையான முறையான பராமரிப்பும் வழிபாடும் கிடைப்பது கடினம். புனிதமான செடியைப் பராமரிக்கத் தவறினால் அது எதிர்மறை விளைவுகளைத் தரும் என்பதால், துளசியை அலுவலக டெஸ்க்கிற்குப் பதில் வீட்டில் வளர்ப்பதே சிறந்தது.

அலுவலகத்தில் சரியான செடிகளைத் தேர்ந்தெடுப்பது உங்கள் மன அமைதியையும் கரியர் வெற்றியையும் உறுதி செய்யும்.