‘ஆபரேஷன் சிந்து’வின் போது இந்தியா நள்ளிரவில் முதல் தாக்குதலை நடத்தியதற்கான காரணத்தை தலைமை ராணுவத் தளபதி ஜெனரல் அனில் சௌஹான் விளக்கினார். எல்லையின் மறுபுறம் பொதுமக்களுக்கு பாதிப்பு ஏற்படாமல் இருப்பதே இரவு 1 மணிக்கு தாக்குதலை நடத்தியதற்கான முக்கிய நோக்கம் என அவர் தெரிவித்தார். இது வழக்கமான போரில் இருந்து மாறுபட்ட ஒரு ‘புதிய வகை போர்’ என்றும், இதில் தொழில்நுட்பம் மற்றும் மூலோபாய உளவுத்துறை முக்கிய பங்கு வகித்ததாகவும் அவர் கூறினார்.

இந்த தாக்குதலின்போது, தரை, வான், கடல் மற்றும் இணையவெளி போன்ற பல தளங்களில் போர் நடைபெற்றது. இதில், ஒவ்வொரு மட்டத்திலும் பாகிஸ்தானை இந்தியா உறுதியாக தோற்கடித்தது என்றும் அவர் தெரிவித்தார். இந்தப் போர் வெறுமனே நிலத்தைக் கைப்பற்றுவதோ அல்லது வீரர்களைக் கொல்வதோ அல்ல, மாறாக தொழில்நுட்ப மேன்மை மற்றும் துல்லியத்தின் வெளிப்பாடாக இருந்தது.