ஈரான் மீதான தாக்குதல்களை ஏப்ரல் 6 வரை நிறுத்தி வைப்பதாக அதிபர் டொனால்ட் டிரம்ப் அறிவித்துள்ளார். ஈரானிய அரசாங்கத்தின் கோரிக்கையை ஏற்று, எரிபொருள் கிடங்குகள் மீதான நடவடிக்கைகளை 10 நாட்களுக்கு தற்காலிகமாக நிறுத்துவதாக அவர் தனது சமூக வலைதள பக்கத்தில் உறுதிப்படுத்தியுள்ளார். தற்போது இரு நாடுகளுக்கும் இடையே நடைபெற்று வரும் அமைதி பேச்சுவார்த்தைகள் மிகவும் சாதகமான சூழலில் இருப்பதாக டிரம்ப் குறிப்பிட்டுள்ளார்.

அதே சமயம் மத்திய கிழக்கில் போர் பதற்றம் குறையவில்லை. லெபனானில் இஸ்ரேல் தனது தரைவழித் தாக்குதல்களைத் தீவிரப்படுத்தியுள்ளது. ஈரான் ஏவிய ஏவுகணைகள் குவைத் மற்றும் சவுதி அரேபியா வான்பரப்பில் இடைமறிக்கப்பட்டன. இதற்கிடையில், ஐஆர்ஜிசி கடற்படைத் தலைவர் அலிரேசா டங்சிரி கொல்லப்பட்டதாக இஸ்ரேல் தெரிவித்துள்ளது. ஆனால் இந்தத் தகவலை ஈரான் தரப்பு இதுவரை அதிகாரப்பூர்வமாக உறுதிப்படுத்தவில்லை என்பது குறிப்பிடத்தக்கது.