மத்திய கிழக்கு நாடுகளில் நிலவும் போர் பதற்றத்தால் இந்தியாவின் எல்பிஜி இறக்குமதி 30 சதவீதம் வரை பாதிக்கப்பட்டுள்ளது. இந்தியாவின் எரிவாயு தேவையில் 60 சதவீதத்திற்கும் மேல் இறக்குமதியை நம்பியுள்ள சூழலில், ஹார்முஸ் ஜலசந்தியில் ஏற்படும் முடக்கம் சமையலறை பட்ஜெட்டை பாதிக்கிறது. இந்த நெருக்கடிக்கு தீர்வாக ‘டைமெத்தில் ஈதர்’ (DME) என்ற மாற்று எரிபொருளை நிபுணர்கள் பரிந்துரைக்கின்றனர்.

உள்நாட்டு நிலக்கரி அல்லது விவசாயக் கழிவுகளில் இருந்து தயாரிக்கப்படும் இந்த DME, எல்பிஜியுடன் 20 சதவீதம் வரை கலக்கப்படலாம். இது புகையில்லா எரிதலை உறுதி செய்வதுடன், செயல்திறனை 15 சதவீதம் வரை அதிகரிக்கும். உடனடி மாற்றமாக இல்லாவிட்டாலும், மெத்தனால் உற்பத்தியை அதிகரிப்பதன் மூலம் எதிர்காலத்தில் எரிசக்தி பாதுகாப்பில் இந்தியா சுயசார்பு அடைய இதுவே சிறந்த வழியாகும்.