நாடு முழுவதும் பரவலாக பயன்படுத்தப்படும் UPI சேவையில், தேசிய செலுத்தும் கழகம் (NPCI) வருகிற ஆகஸ்ட் 1 ஆம் தேதி முதல் முக்கிய மாற்றங்களை மேற்கொள்ள உள்ளது. இதன் மூலம் பயனர்களின் பரிவர்த்தனைகள் கட்டுப்படுத்தப்படும் வகையில் புதிய விதிமுறைகள் அமலுக்கு வர உள்ளன. புதிய நடைமுறைகளின்படி, பயனர்கள் ஒரே நாளில் அதிகபட்சம் 50 முறை மட்டுமே தங்களுடைய வங்கி கணக்கில் உள்ள பணமெதிர்பார்ப்பை (Balance Check) செய்ய முடியும். மேலும், வங்கி தொடர்பான விசாரணைகளை ஒரே நாளில் 25 முறை மட்டும் மேற்கொள்ள அனுமதி வழங்கப்படும்.

இந்த மாற்றங்களின் முக்கிய நோக்கம், UPI பயன்பாட்டின் போது வலையமைப்பில் ஏற்படும் பரபரப்பை குறைத்து, சேவையின் தரத்தை மேம்படுத்துவதே. குறிப்பாக பீக் ஹவர்ஸ் (அதிக பரிவர்த்தனை நேரங்கள்) அல்லாத நேரங்களில் மட்டுமே Autopay செயல்படுத்தப்படும். அதற்குபின் ஒரு பரிவர்த்தனை செய்து விட்டால் அதன் நிலை (Status) தெரிந்துகொள்ள குறைந்தது 90 விநாடிகள் காத்திருக்க வேண்டி வரும். இந்த மாற்றங்கள் பயனர்களின் அனுபவத்தில் தாக்கம் ஏற்படுத்தக்கூடியதாக இருக்கும் என்றும், பாதுகாப்பு மற்றும் செயல்திறனை அதிகரிக்கவும் உதவும் என்றும் NPCI தெரிவித்துள்ளது.