IPL 2025 சீசனின் முதல் போட்டியாக கொல்கத்தா நைட் ரைடர்ஸ் (KKR) மற்றும் ராயல் சேலஞ்சர்ஸ் பெங்களூர் (RCB) அணிகள் இன்று விளையாடவிருந்தன. கிரிக்கெட் ரசிகர்கள் ஆவலுடன் எதிர்பார்த்த இந்த போட்டிக்கு மழை அடங்கியிருக்கிறது. கொல்கத்தாவின் ஈடன் கார்டன்ஸ் மைதானத்தில் நடக்கவிருந்த இந்த போட்டிக்கு, வானிலை முன்னறிவிப்பு படி 90% மழை வாய்ப்பு உள்ளதாக தெரிவிக்கப்பட்டுள்ளது. இதனால், இந்த போட்டி நடைபெறுமா என சந்தேகம் எழுந்துள்ளது.

அமைப்பின் விதிமுறைகள் படி, இந்த போட்டிக்கு ரிசர்வ் டே (மறு நாள் மாற்று) இல்லை. எனவே, மழை காரணமாக போட்டி முழுமையாக நடத்த முடியாவிட்டால், இரு அணிகளுக்கும் புள்ளிகள் சமமாக வழங்கப்படும். அதேசமயம், போட்டியை நடத்த அதிகாரிகள் 60 நிமிடம் கூடுதலாக காத்திருப்பார்கள். குறைந்தபட்சம் 5 ஓவர் கொண்ட போட்டி நடத்த வாய்ப்பு இருந்தால், அது இரவு 10:56 மணிக்குள் தொடங்க வேண்டும். போட்டி அதிகபட்சமாக 12:06 மணிக்குள் முடிக்கப்பட வேண்டும்.

இந்த சீசனில் இரு அணிகளும் புதிய கேப்டன்களின் தலைமையில் களமிறங்குகின்றன. KKR அணிக்குத் தலைமையேற்கும் அஜிங்க்ய ரகானே, RCB அணிக்கு ரஜத் படிதார் கேப்டனாக செயல்படுவார்கள். இரு அணிகளும் புதிய தலைமைத்துவத்துடன் வெற்றியை நோக்கி பாய தயாராக உள்ளன.