கோவை மற்றும் திருப்பூர் மாவட்டங்களில் கூலிக்கு நெசவு செய்யும் விசைத்தறி உரிமையாளர்கள் சங்கத்தினர் இன்று முதல் காலவரையற்ற வேலை நிறுத்தத்தை தொடங்கியுள்ளனர். இந்த போராட்டத்தால் இரு மாவட்டங்களிலும் செயல்பட்டு வந்த சுமார் 1,25,000 விசைத்தறிகள் முடங்கியுள்ளன.

இதன் காரணமாக நேரடியாகவும் மறைமுகமாகவும் 4 லட்சத்திற்கும் மேற்பட்ட தொழிலாளர்கள் பாதிக்கப்படுவர். மேலும், தினசரி சுமார் 75 லட்சம் மீட்டர் துணி உற்பத்தி பாதிக்கப்படும் என்று கணிக்கப்படுகிறது. இதனால் நாளொன்றுக்கு சுமார் ₹30 கோடி இழப்பு ஏற்படும் என தெரிவிக்கப்பட்டுள்ளது. இந்த வேலைநிறுத்தம் அடுத்தடுத்த நாட்களில் பாடி தொழிலாளர்களின் வருமானத்தையும் துணி தொழில் துறையின் செயல்பாட்டையும் பெரிதும் பாதிக்கும் சூழ்நிலை உருவாகலாம் என எதிர்பார்க்கப்படுகிறது.