இந்தியாவில் ஐபோன் 17 தொடர் அறிமுகமானது பெரும் பரபரப்பை ஏற்படுத்தியுள்ளது. வெள்ளிக்கிழமை அன்று, மும்பையின் பாந்த்ரா குர்லா காம்ப்ளக்ஸில் (BKC) உள்ள ஆப்பிள் ஸ்டோருக்கு வெளியே புதிய போனை முதலில் வாங்குவதற்காக வந்த வாடிக்கையாளர்கள் இடையே கடும் மோதல் மற்றும் குழப்பம் ஏற்பட்டது. அதிகாலை முதலே ஷோரூமுக்கு வெளியே நீண்ட வரிசை நின்றது. கடை திறந்தவுடன், முதலில் உள்ளே நுழையும் அவசரத்தில் தள்ளுமுள்ளு ஏற்பட்டது, அது விரைவில் கைகலப்பாக மாறியது. சமூக வலைதளங்களில் வைரலான வீடியோக்களில் பாதுகாவலர்கள் கூட்டத்தைக் கட்டுப்படுத்த தடியடி நடத்துவதையும் காண முடிந்தது.

இந்த சம்பவத்தில் பல நபர்கள் காயமடைந்தனர். வைரலான காட்சிகளில், ஒரு பாதுகாப்பு காவலர் ஒரு நபரை வெளியே இழுத்துச் செல்வதையும், அவர் கைகளை கடுமையாக அசைப்பதையும் காட்டுகிறது. நிலைமையைக் கட்டுக்குள் கொண்டு வர பாதுகாவலர்கள் கடும் சிரமப்பட்டனர். பலரும் இந்த குழப்பத்திற்கு ஆப்பிள் ஸ்டோரின் பாதுகாப்பு குறைபாட்டை குறை கூறியுள்ளனர். ஐபோன் 17, ஐபோன் 17 ப்ரோ மற்றும் ஐபோன் 17 ப்ரோ மேக்ஸ் உள்ளிட்ட ஐபோன் 17 தொடரின் விற்பனை இன்று இந்திய சந்தையில் தொடங்கியுள்ளது.