நேபாளத்தின் முன்னாள் பிரதமர் கே.பி. ஷர்மா ஒலி, ராணுவ முகாமில் இருந்து வெளியேறி ஒரு தனியார் வீட்டிற்கு இடம் பெயர்ந்துள்ளார். செப்டம்பர் 9 அன்று அவர் பதவி விலகியவுடன், ‘ஜென் இசட்’ (Gen Z) போராட்டம் வன்முறையாக மாறியதால், காத்மாண்டுவின் வடக்கே உள்ள சிவபுரி வனப்பகுதியில் இருந்த ராணுவ முகாமில் அவர் தஞ்சம் புகுந்திருந்தார். ஒன்பது நாட்கள் ராணுவ பாதுகாப்பில் இருந்த பிறகு, சிபிஎன்-யுஎம்எல் தலைவர் ஒரு தனியார் இடத்திற்கு மாறிவிட்டார் என்று நேபாள ராணுவ வட்டாரங்கள் உறுதிப்படுத்தியுள்ளன.

போராட்டக்காரர்கள் அவரது காத்மாண்டு வீட்டில் தீ வைத்ததை அடுத்து, நேபாள ராணுவம் அவரை காப்பாற்றியதாகக் கூறப்படுகிறது. அவரது தற்போதைய இருப்பிடம் வெளியிடப்படவில்லை என்றாலும், அவர் பக்தாபூர் மாவட்டத்தின் குண்டு பகுதியில் உள்ள ஒரு தனியார் வீட்டிற்கு மாறிவிட்டார் என்று வட்டாரங்கள் தெரிவிக்கின்றன.