லக்னோவில் பொதுத்துறை வங்கி மேலாளர் ஒருவர் மோசடி குற்றச்சாட்டில் கைது செய்யப்பட்டதை அடுத்து, வங்கி ஊழியர்களால் நடக்கும் மோசடிகள் மீண்டும் வெளிச்சத்துக்கு வந்துள்ளன. ஒரு வாடிக்கையாளரின் ஆவணங்களைப் பயன்படுத்தி, அவரது கடன் தொகையை பிற நிறுவனங்களுக்கு மாற்றிவிட்டதாக அந்த மேலாளர் மீது குற்றம் சாட்டப்பட்டுள்ளது. இந்த சம்பவம் வாடிக்கையாளர்கள் மத்தியில் மீண்டும் அச்சத்தை ஏற்படுத்தியுள்ளது. நிதி பரிவர்த்தனைகள் அல்லது கடன் விண்ணப்பங்களுக்கு வங்கி ஊழியர்களை முழுமையாக நம்புவது எவ்வளவு ஆபத்தானது என்பதை இது மீண்டும் நிரூபித்துள்ளது.

நிபுணர்களின் கூற்றுப்படி, இதுபோன்ற சூழ்நிலைகளில் ஆன்லைனில் கடன் விண்ணப்பிப்பது பாதுகாப்பானது. ஏனெனில், தனிப்பட்ட ஆவணங்கள் தவறான நபர்களிடம் செல்வதற்கான ஆபத்து குறைகிறது. மேலும், கடன் வாங்கும் போது, நீண்ட நாட்களாக கணக்கு வைத்திருக்கும் வங்கியை முதலில் அணுகுவது நல்லது. எந்தவொரு வங்கி ஊழியரும் உங்கள் கணக்கு எண், பின், கடவுச்சொல் அல்லது ஓடிபி ஆகியவற்றை கேட்டால் உஷாராக இருங்கள், ஏனெனில் வங்கிகள் ஒருபோதும் அத்தகைய தகவல்களைக் கேட்பதில்லை.