மெக்கா மற்றும் மதீனா உலக முஸ்லிம்களுக்கு மிகவும் புனிதமான இடங்கள். சவுதி அரேபியாவின் வரலாற்று சிறப்புமிக்க ஹெஜாஸ் பகுதியில் அமைந்துள்ள இந்த நகரங்கள் இஸ்லாம் மதத்தின் பிறப்பிடமாகும். முகமது நபி (ஸல்) இங்கே பிறந்தார், மேலும் திருக்குர்ஆன் இங்கேதான் வெளிப்படுத்தப்பட்டது. எனவே, இந்த இடங்கள் முஸ்லிம்களுக்கு புனித யாத்திரைத் தலமாக உள்ளன. ஆனால், மெக்கா நகரத்தில் முஸ்லிம்கள் அல்லாதோர் நுழைய கடுமையான தடை உள்ளது.

இந்தத் தடையின் காரணம் குறித்து பலர் ஆர்வமாக உள்ளனர். ஜித்தாவிலிருந்து மெக்காவிற்கு செல்லும் சாலையில், முஸ்லிம்கள் மட்டுமே நுழைய அனுமதிக்கப்படுவார்கள் என்று தெளிவாக எழுதப்பட்டுள்ளது. ‘காஃபிர்’ என்ற சொல், இஸ்லாத்தை தவிர மற்ற மதங்களைச் சேர்ந்தவர்களைக் குறிக்கிறது. இஸ்லாமிய நம்பிக்கையின்படி, அதன் புனிதத்தன்மையைப் பாதுகாக்க, மெக்காவில் முஸ்லிம் அல்லாதோர் நுழைவதற்கு கடுமையான தடை விதிக்கப்பட்டுள்ளது.