ராஜஸ்தானில் திருமணம் முடிந்த மறுநாள் புதுப்பெண் ஒருவர் மர்மமான முறையில் மாயமான சம்பவம் பரபரப்பை ஏற்படுத்தியுள்ளது. தகவலின்படி, திருமண இரவில் தான் ஏற்கனவே திருமணமானவர் என்று அந்தப் பெண் கணவரிடம் தெரிவித்ததாகக் கூறப்படுகிறது. இதையடுத்து, மறுநாள் காலை அவர் அறைக்குள் இல்லாமல் மாயமாகியுள்ளார்.

இதுகுறித்து வழக்குப்பதிவு செய்துள்ள காவல்துறை விசாரணையைத் தொடங்கியுள்ளது. இது திட்டமிட்ட சதியாக இருக்கலாம் எனவும், மணப்பெண்ணின் அடையாளம் போலியானதாக இருக்கலாம் எனவும் காவல்துறை சந்தேகிக்கிறது. இந்த வழக்கில் ஐபிசி 420 (மோசடி) மற்றும் 120பி (சதித்திட்டம்) பிரிவுகளின் கீழ் வழக்கு பதிவு செய்யப்பட்டுள்ளது.