இந்தியாவின் ரஷ்யக் கொள்கையை கடுமையாக விமர்சித்த அமெரிக்க செனட்டர் லின்ட்சி கிராஹம், இருநாட்டு உறவுகளில் புதிய பதற்றத்தை ஏற்படுத்தியுள்ளார். பிரதமர் மோடி மற்றும் ரஷ்ய அதிபர் புதின் சந்திப்புக்குப் பிறகு அவர் இந்தியாவை குறிவைத்து பேசியதோடு, ரஷ்யா எண்ணெய், எரிவாயு வாங்கும் நாடுகளுக்கு 500% வரி விதிக்கும் மசோதாவையும் முன்வைத்தார்.

ப்ளூம்பெர்க் தகவலின்படி, அமெரிக்காவின் கூடுதல் வரி நடவடிக்கைகள் காரணமாக இந்தியா-அமெரிக்கா வர்த்தகம் 7-10% வரை குறைய வாய்ப்பு உள்ளது. இதனால் இந்தியாவின் உள்நாட்டு உற்பத்தி மதிப்பில் (GDP) 1% வீழ்ச்சி ஏற்படலாம். வைரம், நகை, காலணி, துணி துறைகள் அதிக பாதிப்புக்கு உள்ளாகும் நிலையில், இந்தியா இப்போது ஆசிய கூட்டணிகள், ரஷ்யா, சீனா மற்றும் ஐரோப்பாவுடன் உறவுகளை வலுப்படுத்தும் நோக்கில் நகரும் என நிபுணர்கள் கருதுகின்றனர்.