பிரதமர் நரேந்திர மோடி அவர்கள், புதிதாக கட்டப்பட்ட அயோத்தி ராமர் கோயிலின் உச்சியில் செவ்வாய்க்கிழமை அன்று காவி தர்மக் கொடியை முறையாக ஏற்றி வைத்தார், இது கட்டுமானப் பணிகள் நிறைவடைந்ததைக் குறிக்கிறது. இந்த தருணத்தை 500 ஆண்டுகால தீர்மானத்தின் நிறைவாக விவரித்த பிரதமர், பல நூற்றாண்டுகளின் காயங்களும், வலியும் இன்று குணமாகி வருவதாகக் கூறினார். இந்தக் கொடி ராமர் பெருமானின் இலட்சியங்களை உள்ளடக்கியது என்றும், சத்தியம் மற்றும் நீதியின் வெற்றியை இது அடையாளப்படுத்துகிறது என்றும் அவர் குறிப்பிட்டார்.

ஆர.எஸ்.எஸ். தலைவர் மோகன் பாகவத் மற்றும் உத்தரபிரதேச முதல்வர் யோகி ஆதித்யநாத் உள்ளிட்டோருடன், சுபமான அபிஜித் முகூர்த்தத்தில் 10×20 அடி முக்கோணக் கொடியை பிரதமர் மோடி ஏற்றினார். இந்தக் கொடி, விழிப்புணர்வு, அர்ப்பணிப்பு மற்றும் பல நூற்றாண்டுகளின் கூட்டு முயற்சியின் சின்னம் என்று விவரித்த பிரதமர், இது ராமர் பெருமானின் இலட்சியங்களை உலகிற்கு பறைசாற்றும் என்றார். ‘சத்தியமேவ ஜெயதே’ (வாய்மையே வெல்லும்) என்ற கொள்கையை வலியுறுத்தி, இந்த தர்மக் கொடி அந்த உறுதிப்பாட்டின் வழிகாட்டியாக இருக்கும் என்று அவர் கூறினார்.