இங்கிலாந்தில் உள்ள கேம்ப்ரிட்ஜை சேர்ந்த 54 வயது டேவிட் விண்டர் என்பவர் பழைய கேமராக்களை சேகரிக்கும் ஆர்வமுள்ளவர். அவரின் மகன் நோவா, கடந்தாண்டு கிறிஸ்துமஸ் பரிசாக லிவர்பூலில் உள்ள ஒரு கடையில் இருந்து ஒரு பழைய கேமராவை வாங்கி தந்தார். அந்த கேமரா 1960-1965 காலக்கட்டத்தில் தயாரிக்கப்பட்ட ‘Kodak Brownie Cresta 3’ வகை கேமரா ஆகும்.

டேவிட் கேமராவை திறந்து பார்த்தபோது அதற்குள் 50 ஆண்டுகளுக்கு முன்பதையென கருதப்படும் பழைய படம் காட்டும் ரீல் (Film Roll) இருந்தது. அதை வெளிப்படுத்தியதில் ஒரு குடும்பம் கடற்கரையில் மற்றும் ஏரிக்கரையில் விடுமுறையை கழிக்கும்போது எடுத்த புகைப்படங்கள் காணப்பட்டன. புகைப்படங்கள் மெர்சிசைடு பகுதியில் எடுக்கப்பட்டவையாக டேவிட் கருதினார்.

அந்த குடும்பத்தினரை அல்லது அவர்களது வாரிசுகளை கண்டுபிடிக்க டேவிட் புகைப்படங்களை சமூக ஊடகங்களில் பகிர்ந்துள்ளார். அவரின் நோக்கம் அந்த குடும்பத்தினரின் நினைவுகளை அவர்களிடம் திருப்பித் தருவதாகும். டேவிட் ஊக்கத்துடன் அந்த குடும்பத்தைத் தேடிக் கொண்டிருக்கிறார்.