சீனாவின் பெரிய நகரங்களில் ‘மேன் மம்’ (Man Mum) எனப்படும் ஒரு வினோதமான சமூகப் போக்கு சமீபத்தில் பேசுபொருளாகியுள்ளது. இப்போக்கின்படி, ஜிம் பயிற்சி பெற்ற இளம் ஆண்கள், காதல் தொடர்பின்றி, வேலை அல்லது மன அழுத்தத்தால் சோர்வுற்ற பெண்களுக்கு சில நிமிடங்களுக்கு அரவணைப்பு சேவையை வழங்குகிறார்கள். தற்காலிக ஆறுதல் மற்றும் மன நிம்மதியைத் தேடும் பல பெண்களிடையே இச்சேவை பிரபலமடைந்துள்ளது. இதற்காக, வாடிக்கையாளர்கள் பொதுவாக ஐந்து நிமிட அணைப்பிற்கு 20 முதல் 50 யுவான் வரை (சுமார் ₹600) செலுத்துகின்றனர்.

சாதாரண ஆன்லைன் பதிவாகத் தொடங்கிய இக்கருத்து, தற்போது ஒரு சிறிய, ஒழுங்கமைக்கப்பட்ட நுண் தொழிலாக (micro-industry) மாறியுள்ளது. ‘மேன் மம்ஸ்’ ஆகத் தேர்ந்தெடுக்கப்படும் ஆண்களுக்கு, வலிமையான உடலமைப்புடன் பொறுமை, கவனிக்கும் திறன் மற்றும் மரியாதையான நடத்தை ஆகியவை முக்கியமாகக் கருதப்படுகின்றன. அதிகரித்து வரும் தனிமை, கடுமையான கல்வி அழுத்தம் மற்றும் வேலை நிச்சயமற்ற தன்மைகளுக்கு மத்தியில் சீன இளைஞர்களின் மனநலத் தேவைகளை இந்தப் போக்கு எடுத்துக்காட்டுகிறது. இது இளைஞர்களுக்குப் பகுதி நேர வருமானத்திற்கான புதிய வழியையும் ஏற்படுத்தியுள்ளது.